Vatnsholtsá fellur til sjávar milli jarðanna Ytri-Garða og Vatnsholts í Staðarsveit. Húr er stutt, en í hana fellur áin Lýsa, sem á upptök ofan byggðar og einnig afrennsli nokkurra vatna austur frá ánni. Meðalveiði áranna 1978 til 2004 = 127 laxar. Minnst 2001 = 25 laxar. Mest 1979 = 325 laxar. Auk þess er veruleg silungsveiði í vötnunum og ánum. 

Á vatnasvæði Lýsu í Staðarsveit eru eftirtalin aðalvötn: Torfavatn, Reyðarvatn, Lýsuvatn, Hóp og Vatnsholtsá. Veiðileyfin gilda á öllu svæðinu og ekki eru leyfðar fleiri stengur en 10 á dag. Veiðitímabilin eru tvö: 1. apríl til 30. júní (eingöngu silungur) og 1. júlí til 20. sept. (silungur og lax).                                    Lýsuvatn.


Á fyrra tímabilinu veiðist urriði og bleikja og á hinu síðara lax í viðbót. Það er mikill fiskur í vötnunum en veiðin er misjöfn. Laxinn er yfirleitt smálax en allt að 19 punda fiskar hafa veiðst og silungurinn er frá 400 gr -2 pund.

                             Reyðarvatn.

Veiðileyfi og upplýsingar má nálgast hjá veiðiþjónustunni Lax-Á ehf, Vatnsendabletti 181, 203 Kópavogur, sími 557-6100, fax 557-6107, eða Útivist og veiði, sími 588-6500, ellegar hjá Sigurði Narfasyni, Gistiheimilinu Hofi, s; 435-6802 eða 846-3897.  Vegalengd frá Reykjavík er 207 km um Hvalfjarðargöng og 95 km frá Borgarnesi.
                                                                                     Torfavatn.

                Vatnsholtsá - Hópið.

(Síðast breytt í mars 2006)