Hofsá í Vopnafirði á aðalupptök sín á heiðarsvæði sunnan Fossdals. Í hana fellur meðal annars afrennsli Sænautavatns, sem er í 67 km. fjarlægð frá sjó. Hofsá fellur í Vopnafjörð skammt innan við kaupstaðinn og er laxgeng rúma 30 km. að fossi hjá samnefndu býli. Ýmsar ár og lækir falla í Hofsána. Mest af þeim er Sunnudalsá. Samanlagt vatnasvið er 1100 ferkm. Meðalveiði áranna 1974 til 2008 er 1121 lax. Minnst 1982 = 141 lax. Mest 1992 =2238 laxar.

Hjá Teigi er vel útbúið veiðihús, "Árhvammur" í eigu félagsins. Mest má veiða á 7 stengur. Oft er töluverð silungsveiði, einkum neðantil á vatnasvæðinu. Leigutaki er Stangveiðifélagið Hofsá, ehf.  Mikil eftirspurn er eftir því að komast í Hofsána til veiða, en um veiðileyfi og frekari upplýsingar má spyrja í síma 861-8121.

 Brúarhylur.        (Síðast breytt í mars 2006)