Í síðasta fréttabréfi var greint frá því að aðalfundur Landssambands veiðifélaga verður haldinn í veiðihúsi Vf. Ytri - Rangár í Rangárþingi dagana 7. -  8.  júní nk. 

Gert er ráð fyrir að fulltrúar og gestir verði komnir á fundarstað  um kl. 12:00 föstudaginn 7. júní og snæði þar saman hádegisverð.

Aðalfundurinn hefst síðan kl. 13:15.

Síðarihluta dags bjóða heimamenn svo til skoðunarferðar um næsta nágrenni. 

Um kl. 19:30 verður sameiginlegur kvöldverður og að honum loknum verður kvöldvaka í umsjón heimamanna.

Kl. 9:00 á laugardagsmorgni halda aðalfundarstörf áfram og er reiknað með að þeim ljúki eigi síðar en kl. 14:00.  Matarhlé verður kl. 12:00 – 13:00 á laugardag.

Í fréttabréfinu er meðal annars fjallað um aðalfund Landssambands veiðifélaga 2013 sem verður haldinn í veiðihúsi Vf. Ytri- Rangár í Rangárþingi dagana 7. - 8.  júní og er dagskrá aðalfundar þar einnig að finna.

Jafnframt er m.a. fjallað um laxveiðina 2012 og breytingar innan stjórnsýslu veiðmála.

Fréttabréf LV er að finna hér. 

Norðurá í Borgarfirði, ein fengsælasta á landsins, verður ekki leigð til Stangveiðifélags Reykjavíkur eftir þetta sumar en félagið hefur haft hana á leigu í tæp sjötíu ár. Formaður félagsins segist svekktur yfir þessari niðurstöðu.

Samningur Veiðifélags Norðurár, sem er félag eigenda árinnar, og Stangveiðifélags Reykjavíkur, sem er leigutaki,  rennur út eftir þetta sumar. Á fundi  í vikunni var ákveðið að framlengja ekki samninginn við Stangveiðifélagið, en samstarfið hefur staðið óslitið í tæp sjötíu ár.

Norðurá í Borgarfirði