Veiðitölur
Smelltu hér til að gerast áskrifandi að angling fréttum
21. ágúst 2008

Nýjar veiðitölur

Komnar eru nýjar veiðitölur á vef Landssambands Veiðifélaga. Samantektin er frá veiði í lok síðasta miðvikudags 20. ágúst síðastliðinn. Flestir laxar hafa veiðist í Ytri Rangá og Hólsá eða alls 5991, en á einni viku hafa veiðst 1333 laxar. Á svipuðum tíma í fyrra höfðu 2343 laxar veiðst og því er munurinn milli ára mjög mikill eða 3648 laxar. Það er því rífandi gangur í veiðinni og vantar 386 laxa til að jafna lokatölur síðasta árs sem var 6377 laxar. En slíkt gerist fljótlega miðað við að um 190 laxar hafa veiðst á dag að meðaltali í Ytri Rangá og Hólsá síðustu viku. 

 

Í Eystri Rangá gengur veiðin einning afar vel og hafa veiðst 4368 laxar en á svipuðum tíma í fyrra höfðu veiðst 3679 laxar. Á einni viku hafa veiðst 755 laxar og er veiðin komin 1374 laxa umfram meðalveiði síðustu tíu ára.

 

Norðurá gengur einning vel og er hún komin i 2653 laxa og bætir við sig 152 löxum á einni viku. Lokatölur í fyrra voru 1447 og styttist óðum í að veiðin verði tvöfalt meiri þetta árið. Á sama tíma í fyrra höfðu veiðst 867 laxar og er veiðin nú þrefalt meiri og komin langt umfram meðalveiði síðustu tíu ára. 

 

Í Þverá og Kjarará er góður gangur og veiðin komin í 2238 laxa og hafa veiðst 193 laxar á einni viku. Veiðin er nú 724 löxum meira en á svipuðum tíma í fyrra. Það styttist óðum í að veiðin fari umfram lokatölur í fyrra og vantar 166 laxa til að jafna lokatölur síðasta árs.

 

Veiðin í Langá á Mýrum gengur vel og er komin í 1750 laxa sem er um þrefalt meiri veiði en á svipum tíma í fyrra. Í síðustu viku veiddust 145 laxar og er Langá komin 294 löxum umfram lokatölur síðasta árs.

 

Góður gangur er í öðrum ám á listanum og er hægt að sjá veiðitölur nánar hér