Veiðitölur
Smelltu hér til að gerast áskrifandi að angling fréttum
18. mars 2008

Skattframtal - tekjur af veiðileigu

Borist hafa nokkrar ábendingar um að tekjur af veiðileigu séu rangt forskráðar á framtöl manna. Samkvæmt ábendingunum eru tekjur þessar forskráðar í kafla 2.3, reit merktan 96, en ættu að vera í kafla 3.7 reit 521.

 

Svo virðist sem ekki hafi verið tekið tillit til lagabreytingar á sl. ári, þar sem ákveðið var að arðgreiðslur veiðifélaga skuli teljast fjármagnstekjur, sjá 6. gr. laga nr. 76/2007.

 

Um leið og þessum ábendingum er komið á framfæri skal bent á að athygli ríkisskattstjóra hefur verið vakin á málinu. Jafnframt hefur þess verið óskað að þetta verði lagfært nú þegar og að skattstofum verði gert aðvart um að einhverjir kunni þegar að hafa skilað framtölum rangt útfylltum að þessu leyti.