Veiðitölur
Smelltu hér til að gerast áskrifandi að angling fréttum
10. febrúar 2020

Veiðileiðsögn 2020

Nú í mars mánuði mun Ferðamálaskóli Íslands í annað skipti bjóða upp á nám fyrir áhugasama aðila sem vilja gerast leiðsögumenn innlendra og erlendra veiðimanna í ám og vötnum landsins. Veiðileiðsögunámið er hagnýtt nám og nýtist í senn starfandi leiðsögumönnum og áhugasömum aðilum sem hafa áhuga á að sinna slíkri leiðsögn. Námið gefur innsýn í grunnatriði og ítarlegri þætti er varða veiðileiðsagnarþjónustu. Sérfróðir leiðsögumenn kenna undirstöðuatriði stangveiða og sérfræðingar miðla fróðleik um fiskana er við sögu koma og vistfræði þeirra.

 

Nám í veiðileiðsögn 2019. Þátttakendur

• Meðal kennsluefnis eru undirstöðuatriði er varða líffræði og lífshætti íslenskra ferskvatnsfiska. Fjallað er um árstíðabundnar göngur fiska, gönguhegðun í ferskvatni og sjó og samspil þátta er varða m.a. fæðugöngur.

 

• Farið er yfir þætti er varða samskipti leiðsögumanna við veiðimenn allt frá komu þeirra í veiðihús, meðan á dvöld þeirra stendur og þar til dvöl hans lýkur.

 

• Farið verður í tveggja daga ferð í Eystri Rangá þar sem tekin verður fyrir meðal annars kasttækni með einhendum og tvíhendum.

 

• Lögð er áhersla á Skyndihjálp og áfallahjálp þar sem litið er sérstaklega til þátta er tengjast hættum við ár og vötn.

 

• Farið er yfir handtök er varða frágang á afla eftir veiði, blóðgun og flökun á fiski. Samhliða verður farið yfir grunnþætti sem varða meðhöndlun fiska með hliðsjón af "veiða og sleppa".

 

• Allir leiðbeinendur hafa áratuga reynslu sem leiðsögumenn eða vísindamenn hver á sínu sviði.

 

• Námið er alls 90 stundir og fer bæði fram í kennslustofu og á bökkum Eystri Rangár.

 

Nám í veiðileiðsögn 2019.
 

 

Leiðbeinendur eru:

 

Þröstur Elliðason, fiskeldisfræðingur - Strengir

 

Erlendur Steinar Friðriksson, sjávarútvegsfræðingur

 

Jóhannes Hinriksson, rekstrarstjóri – Ytri Rangá

 

Reynir Friðriksson, sjávarútvegsfræðingur

 

Fulltrúi frá Landsambandi veiðifélaga

 

Björn Rúnarsson, Vatnsdalsá.

 

Ólafur Vigfússon, Veiðihornið

 

Björn Theodórsson, fiskeldisfræðingur og leiðsögumaður

 

Kristinn Helgason, Landsbjörg

 

Sr. Bragi Skúlason, Landspítalinn

 

Hér er hægt að sækja pdf-skjal með fréttatilkynningu um nám í Veiðileiðsögn 2020

 

Hér er hægt að sækja pdf-skjal með dagskrá náms í Veiðileiðsögn 2020.

 

ATH! Flest stéttarfélög styrkja sína félagsmenn til þessa náms.

 

Nánari upplýsingar og skráning fer fram í síma 898-7765 Friðjón eða fs@menntun.is