Veiðitölur
Smelltu hér til að gerast áskrifandi að angling fréttum
19. september 2019

Nýjar veiðitölur

Komnar eru nýjar veiðitölur á vef Landssambands veiðifélaga. Veiðitölur miðast við lok veiði miðvikudagsins 18 september.

 

Það er ýmist í ökkla eða eyra þessa dagana hvað úrkomu varðar. Bágum vatnsbúskapi var ýtt hvessilega til hliðar með þeirri vætutíð sem við tók. Þessu hafa fylgt vatnavextir og skilyrði til veiða sumstaðar versnað við slíkar aðstæður. Nú fara árnar okkar að loka hver af annari og þegar hafa borist lokatölur úr nokkrum ám.

 

Má þar nefna Norðurá í Borgarfirði sem lokaði 15 september með alls 577 laxa. Sú lokatala er minnsta skráða veiði allt frá árinu 1974 og langt undir því sem öllu jöfnu veiðist.

 

 

Aðrar ár sem hafa lokað eru:

 

Elliðaárnar lokuðu 15. september með samtals 537 laxa.

 

Skjálfandafljót lokaði 15. september með samtals 330.

 

Búðardalsá lokaði 9. september með samtals 98 laxa.

 

Í þennan hóp bætast fljótlega fleiri ár og má búast við mörgum lokatölum verði skilað inn í lok næstu veiðiviku.

 

Hér er hægt að skoða lista með veiðitölum úr tæplega 50 vatnakerfum. Sjá nánar hér. 

  

Söfnun veiðitalna væri ekki möguleg nema fyrir liðsinni fjölda aðila sem vikulega taka saman veiðitölur og má þar nefna veiðiverði, veiðileiðsögumenn, matreiðslumenn, starfsfólk veiðihúsa, leigutaka, veiðiréttarhafa, árnefndarfólk og fleiri. Eiga allir þessir aðilar þakkir skildar fyrir. 

 

Ágætt að hafa eftirfarandi í huga ef grunur leikur á að veiddur lax sé eldislax. Mjög mikilvægt er að sleppa honum ekki og tilkynna viðkomandi stofnun.

 

Hér er hægt að kynna sér leiðbeiningar um samanburð á villtum lax og eldislax hér.

 

Geta má þess að hreistursýnataka af veiddum fisk er eitt mikilvægasta framlag veiðimanna til rannsókna. Fjölmargt má greina í hreistri og t.d. er hægt að sjá hvort fiskur sé af eldisuppruna. Sjá nánar fróðleik um hreistursýnatöku. 

 

Í ljósi þess að mun minna er af laxi í sumum ám þá er ágætt að hafa tilmæli Hafrannsóknastofnunar í huga um að veiðimenn og veiðiréttarhafar gæti hófs við veiðar og sleppi sem allra flestum löxum sem veiðast til að hrygningarstofn haustsins verði sem stærstur.

 

Annars er hætta á að sá seiðaárgangur sem undan þeim kemur verði einnig smár og veiðiþol laxastofna minnki enn frekar. Hér er hægt að lesa áskorun í heild sinni.

 

Athygli er vakin á að velkomið að senda inn veiðitölur úr öðrum vatnakerfum og við birtum þær hér á vefnum. Einna best er að fá veiðitölur í lok veiði miðvikudags kvölds en það gerir samanburð fróðlegri og auðveldari. Gott er að láta stangarfjölda fylgja og veiði á silung er auðvitað vel þegin.

 

Hægt er að senda inn veiðitölur á bjorn@angling eða hringja/senda sms í síma 852-3398