Veiðitölur
Smelltu hér til að gerast áskrifandi að angling fréttum
24. janúar 2018

Málþing um erfðafræðileg áhrif laxeldis á villta laxastofna

Erfðanefnd landbúnaðarins efnir til málþings um erfðafræðileg áhrif laxeldis á villta laxastofna fimmtudaginn 1. febrúar 2018, kl. 13:00 – 16:30. Aðalfyrirlesari verður Dr. Kevin Glover (Hafrannsóknastofnunin í Noregi; Háskólinn í Bergen) sem er einn af leiðandi vísindamönnum Noregs á sviði erfðablöndunar eldislax og náttúrulegs lax og vöktunar á erfðafræðilegum áhrifum laxeldis. Mun hann fjalla um stöðu þekkingar á erfðablöndun, umfangi og áhrifum.

Dr. Fletcher Warren-Myers (Háskólinn í Melbourne, Ástralíu) mun fjalla um rannsóknir sínar á notkun stöðugra samsæta til merkingar á eldislöxum svo rekja megi strokulaxa úr eldi til framleiðenda. Leó Alexander Guðmundsson (Hafrannsóknastofnun) mun fjalla um rannsókn á erfðablöndun á Vestfjörðum og Dr. Ragnar Jóhannsson (Hafrannsóknastofnun) um áhættumat á erfðablöndun og vöktun áhrifa eldis á náttúrulega laxastofna. Fyrirlestrar erlendu gestanna verða á ensku. Ráðstefnan fer fram í Fróða, fyrirlestrarsal Íslenskrar erfðagreiningar, Sturlugötu 8, 101 Reykjavík.

 

Fundarstjóri: Emma Eyþórsdóttir formaður erfðanefndar landbúnaðarins

 

Dagskrá

13:00     Setning

Emma Eyþórsdóttir formaður erfðanefndar landbúnaðarins

13:05     Genetic interaction between farmed and wild salmon: what do we know, and what don’t we know? (Erfðafræðileg áhrif eldislaxa á villta laxa: hvað vitum við og hvað vitum við ekki?) 

Dr. Kevin Glover prófessor í erfðafræði við Sea Lice rannsóknarstofnun Háskólans í Bergen og rannsóknarstjóri við Hafrannsóknastofnunina í Noregi.

13:55     Using stable isotope marking to enable tracing of salmon escapees back to point of origin (Notkun stöðugra samsæta til merkinga svo greina megi uppruna strokulaxa)

Dr. Fletcher Warren-Myers sérfræðingur við Háskólann í Melbourne, Ástralíu

14:40     Kaffihlé í Tjarnarsal

15:05     Erfðablöndun eldislax og náttúrulegs lax á Vestfjörðum

                Leó Alexander Guðmundsson líffræðingur hjá Hafrannsóknarstofnun

15:35     Vöktun á áhrifum laxeldis á villta stofna

Dr. Ragnar Jóhannsson sviðstjóri hjá Hafrannsóknarstofnun

16:00     Pallborðsumræður. Umræðustjóri Sæmundur Sveinsson, rektor LbhÍ.

16:30     Ráðstefnulok

 

Ráðstefnan er öllum opin meðan húsrúm leyfir