Veiðitölur
Smelltu hér til að gerast áskrifandi að angling fréttum
7. september 2017

Nýjar veiðitölur

Komnar eru nýjar veiðitölur á vef Landsambands Veiðifélaga. Samantektin er frá veiði í lok miðvikudags 6. september. 

 

Efst á listanum er sem fyrr Ytri-Rangá og þar gekk veiði afar vel síðustu viku en hún komin í alls 5588 laxa. Í síðustu veiðiviku veiddust þar alls 1006 laxar sem er mesta vikuveiði á þessu veiðitímabili. Frá opnun hefur einungis verið heimilt að veiða á flugu og var það fyrirkomulag fram að hádegi á sunnudaginn síðastliðinn en eftir hádegi varð heimilt að nota blandað agn það sem eftir lifir veiðitímabils. Það skýrir að hluta þá tæplega þreföldu aukningu á veiði sé miðað við veiðivikuna á undan.

 

Miðfjarðará er komin yfir 3000 laxa markið og gott betur en þar er veiðin komin í alls 3239 laxa og vikuveiðin var 302 laxar. Veiðin í Þverá og Kjarará er komin yfir 2000 laxa markið en þar hafa alls veiðst 2022 laxar og vikuveiðin var 132 laxar. Veiðin í Þverá og Kjarará er núna orðin 120 löxum meiri en lokatölur síðasta veiðitímabils.

 

Skammt undan er Eystri-Rangá sem nálgast 2000 laxa markið en þar er veiðin komin í 1908 laxa og vikuveiðin var 135 laxar.

Hér fyrir neðan er listi yfir efstu átta árnar þessa vikuna.

 

1. Ytri-Rangá 5588 laxar - vikuveiði 1006 laxar.

 

2. Miðfjarðará 3239 laxar - vikuveiði 302 laxar.  

 

3. Þverá og Kjarará 2022 laxar - vikuveiði 132 laxar.

  

4. Eystri-Rangá 1908 laxar - vikuveiði 135 laxar.

 

5. Norðurá 1662 laxar - vikuveiði 220 laxar.

 

6. Blanda 1430 laxar - vikuveiði 13 laxar.  

 

7. Langá 1383 laxar - vikuveiði 69 laxar.

 

8. Haffjarðará 1130 laxar - vikuveiði 45 laxar.

 

 

Hér er hægt að skoða allan listann með tölum úr um 40 ám.

 

Veiðitölur berast stundum ekki úr öllum ám en tölur verða skráðar inn þegar þær berast.

 

Við tökum saman tölur næsta miðvikudag 13. september og fara þá að berast lokatölur úr þeim ám er loka fyrst þetta veiðitímabilið. 

 

Landssamband veiðifélaga hefur um áratug fylgst með veiði í 25 ám. Veiðitölum er safnað hvert miðvikudagskvöld og eru þær birtar á heimasíðu Lv, angling.is og jafnframt á síðu 322 á textavarpinu. Velkomið er að senda veiðitölur í tölvupóst bjorn@angling.is eða senda sms í síma 852-3398. Gott er að láta stangarfjölda fylgja með.  

 

Söfnun veiðitalna væri ekki möguleg nema fyrir liðsinni fjölda aðila sem vikulega taka saman veiðitölur. Kærar þakkir fyrir ykkar liðsinni í veiðitölusöfnun.