Veiðitölur
Smelltu hér til að gerast áskrifandi að angling fréttum
13. desember 2016

Leyfi fyrir 7.000 tonna eldi í Ísafjarðardjúpi

Landssamband veiðifélaga hefur kært útgáfu starfsleyfis sem Umhverfisstofnun veitti Háafelli ehf til framleiðslu á 6.800 tonnum af regnbogasilungi og 200 tonnum af þorski i sjókvíum við innanvert Ísafjarðardjúp. Í kærunni til úrskurðarnefndar umhverfis- og auðlindamála er farið fram á að starfsleyfið verði fellt úr gildi þar sem óheimilt sé að starfrækja sjókvíaeldi á þessu svæði.

 

Athugasemdir voru gerðar við tillögu um starfsleyfið þegar tillagan var auglýst til umsagnar og bent á að sjókvíar Háafells séu vel innan 15 km frá ósum laxveiðiáa með yfir 500 laxa meðalveiði. Reglugerð nr. 105/2000 um flutning og sleppingar laxfiska og varnir gegn fisksjúkdómum og blöndun laxastofna tekur einmitt á þessum þætti.  Meðaltalsveiði þessara áa við Ísafjarðardjúp er 503 fiskar.

 

Furðu er lýst á að Umhverfisstofnun hafi tekið upp á því að lækka veiðitölur úr ánum einhliða með þeim rökum að þar sem veiðimenn veiði og sleppi 0 – 160 fiskum, verði að draga 0 – 160 fiska frá veiðitölum og þannig sé meðalveiði undir 500 fiskum. Stofnunin sé farin langt út fyrir sitt starfsvið með þessari ótrúlegu túlkun að fiskar sem séu veiddir og sleppt, teljist nú ekki veiddir lengur.

 

Kæruna er að finna hér - Pdf-skjal

 

 

Nánari upplýsingar veitir:

Jón Helgi Björnsson, formaður Landssambands veiðifélaga í síma 893 3778