2. febrúar 2010 01:06

Icelandic Agricultural Sciences viðurkennt sem fyrsta flokks alþjóðlegt vísindarit

Nú hefur verið staðfest að tímaritið Icelandic Agricultural Sciences, sem Veiðimálastofnun ásamt fleiri íslenskum stofnunum stendur að, er komið á Web-of-Science og þar með ISI- grunninn (Institute for Scientific Information). Þar með er ritið viðurkennt sem fyrsta flokks alþjóðlegt vísindarit. Eftir því sem best er vitað er ritið þriðja íslenska fræðiritið að komast inn á þennan virðulegasta gagnagrunn vísindasamfélagsins. 

meira...

6. janúar 2010 03:43

Tvö ár frá klórslysinu í Varmá

Nú eru liðin rúm tvö ár frá klórslysinu í Varmá þegar mikið magn af óblönduðum klór rann frá sundlauginni í Hveragerði í Varmá. Klórslysið olli talsverðum fiskdauða í ánni og fundust dauðir fiskar á 4–5 km kafla neðan klórlekans. Rannsóknir Veiðimálastofnunar á seiðabúskap árinnar skömmu eftir slysið bentu til þess að nánast öll seiði hefðu drepist á a.m.k. tveggja km kafla neðan sundlaugarinnar. Óttast var að klórslysið gæti haft alvarlegar afleiðingar fyrir fiskstofna Varmár og í versta falli tæki það stofnana mörg ár að ná fyrri styrk.  

meira...

29. desember 2009 05:38

Lagabreytingar

Á síðustu starfsdögum Alþingis fyrir jól voru gerðar lagabreytingar sem varða veiðiréttareigendur og rétt er að vekja athygli á.

 
Lögum nr. 61/2006 um lax- og silungsveiði var breytt á þann veg, að annars vegar er eigendum eyðijarða tryggður atkvæðisréttur á fundum í veiðifélagi, líkt og var fyrir lagabreytinguna 2006,  og hins vegar að sú háttsemi að hefja framkvæmd í veiðivatni, án þess að leyfi hafi verið aflað skv. 1. mgr. 33. gr. laganna, sé refsiverð.  Undir framkvæmd í veiðivatni fellur m.a. malartekja úr ám.

meira...