Veiðitölur
Smelltu hér til að gerast áskrifandi að angling fréttum

21. nóvember 2017

Eiturefnahernaður í Arnarfirði

Hvað á íslenska sauðkindin og eldislax sameiginlegt? Nánast ekkert annað en að vera hluti af dýraríkinu. Sauðkindin fer frjáls ferða sinna um heiðar stóran hluta ársins og borðar náttúrulega fæðu. Eldislaxinn er hins vegar alinn á verksmiðjuframleiddu fóðri, eyðir öllum líftíma sínum í þröngum kvíum og er þar að auki erfðabreytt innflutt norskt aðskotadýr í íslenskri náttúru. Engu að síður kýs Kristján Þ. Davíðsson, framkvæmdastjóri Landssambands fiskeldisstöðva, að bera saman áhrif þessara tveggja tegunda á náttúru landsins, í kveðju sem hann sendir mér síðastliðinn föstudag.


 

19. nóvember 2017

Eldisheimildir gefa vel í aðra hönd

Landssamband veiðifélaga hefur gert fjölmargar athugasemdir við fyrirætlanir Fiskeldis Austurlands um allt að 21.000 tonna eldisframleiðslu í Berufirði og Fáskrúðsfirði.  Segist fyrirtækið ætla að nota ófrjóan lax að hluta í eldið.


Landssambandið telur að fyrirhugað eldi ógni laxastofnum á öllu Austurlandi enda sýndi sig þegar eldisfiskur slapp í Norðfirði 2003 þá veiddist hann m.a. í ám í Vopnafirði. Umfjöllun um þá hættu sem stafar af laxalús er fátæklegt. Því er slegið fram að fyrir hendi séu náttúrulegar varnir gegn laxalús sem komi í veg fyrir vandamál vegna hennar. Ljóst er af fenginni reynslu af laxeldi í Arnarfirði að  lúsarvandamál koma upp þegar eldið er orðið af því umfangi sem þarna er fyrirhugað með alvarlegum afleiðingum fyrir villta stofna laxfiska.

 

16. nóvember 2017

Telja lax ekki hafa sloppið um gat á eldiskví

Rifa fannst á laxeldiskví Laxa fiskeldis í Reyðarfirði í gær. Framkvæmdastjóri fyrirtækisins telur engan lax hafa sloppið út þar sem gatið var á botni kvíarinnar. Hann segir slys alltaf geta orðið en að fyrirtækið taki þessu alvarlega. 

Eldislax ©Sumarliði Óskarsson