Landssamband veiðifélaga hefur sent inn kæru vegna ákvörðunar Skipulagsstofnunar um að fyrirhugað 7000 tonna laxeldi Hraðfrystihússins Gunnvarar h.f.  í Ísafjarðardjúpi skuli undanþegið umhverfismati.

"Landssambandið telur að umfjöllun stofnunarinnar á mögulegum áhrifum laxeldis á þau miklu verðmæti sem felast í þeim veiðiám sem falla til sjávar við Ísafjarðardjúp sé með öllu ófullnægjandi. Hvergi er að því vikið í rökstuðningi Skipulagsstofnunar að í laxeldi á Íslandi er einvörðungu notaður laxastofn af norskum uppruna sem fluttur var til landsins á 9 áratugnum. Erfðarannsóknir á genamengi laxa sem gerðar hafa verið hin síðustu ár staðfesta að norskur lax er mjög fjarskyldur íslenskum laxastofnum og blöndun slíkra stofna getur haft ófyrirsjáanlegar afleiðingar á þróun og viðgang hinna séríslensku náttúrulegu laxastofna. Landssambandið telur það sérstaklega ámælisleg vinnubrögð Skipulagsstofnunar að leita ekki álits Veiðimálastofnunar um möguleg áhrif af eldi laxa af norskum uppruna á þessu viðkvæma svæði áður en ákvörðun um matsskyldu var tekin".

Hér fyrir neðan er kæran í heild sinni:

Í verndaráætlun Mývatns og Laxár segir að í Ytriflóa Mývatns liggi 1000 lítra olíutankur, sennilega fullur af olíu, sem týndist af dráttarbáti Kísiliðjunnar hf. síðasta sumarið sem hún starfaði.

„Mér finnst þetta afleitt,“ segir Árni Einarsson, líffræðingur hjá Náttúrurannsóknastöðinni við Mývatn, en Mývatnssvæðið er sérlega viðkvæmt. Þar er, auk náttúrufegurðarinnar, búsvæði margra fuglategunda á Íslandi og silungsveiði.

"Við óttumst að með þessum lögum verði aðgengi veiðimanna að ám og vötnum á eignarlandi takmarkað," segir Óðinn Sigþórsson, formaður Landssambands veiðifélaga.

Fyrir Alþingi liggur nú frumvarp til breytinga á náttúruverndarlögum þar sem blátt bann er lagt við utanvegaakstri. Samkvæmt lögunum eiga Landmælingar Íslands að koma upp kortagrunni þar sem merktir skulu vegir og vegslóðar þar sem heimilt er að aka vélknúnum ökutækjum. Kortagrunnur fyrir hálendið skal liggja fyrir eigi síðar en 1. júlí 2013 en á láglendi eigi síðar en 1. júlí 2016. Akstur utan merktra vega varðar refsingu.